उत्तराखण्ड के बारे में उत्तराखण्ड की राज्य भाषा "गढ़वाली" में
उत्तराखण्ड जेकु पेली नो उत्तरांचल छो, उत्तर भारत मागो योक राज्य ची जेकु निर्माण ९ नवम्बर २००० मा वे छो । येकु निर्माण भीज्यां सालोंगा आंदोलना बाद भारतो सत्ताईसवाँ राज्या रूप मा वे छो । वे से पेली यू उत्तर प्रदेशो कु हिस्सा छो | उत्तराखण्ड मा भीज्यां धार्मिक जगह छीन जेके वजह से ये उत्तराखण्ड ते देव भूमि या दयेपतो की भूमि भी ब्वना | येते भक्ति और तीर्थयात्रा का वास्ता सबसे पवित्र इस्थान मान्यो जाना | उत्तराखण्डे राजधानी देहरादून ची | देहरादून उत्तराखंडो सबसे बडू शहर ची |उत्तराखण्डो कु इतिहास
उत्तराखण्ड कू इतिहास भीज्यां स्वर्णिम छो | पुराणा ग्रन्थों मा कुर्मांचल क्षेत्र मानसखण्ड के नो से प्रसिद्ध छो | पुराणा ग्रन्थों मा उत्तरी हिमालय मा सिद्ध गन्धर्व, यक्ष, किन्नर जातियों गी स्थान और ये स्थानो गु राजा कुबेर ते बतायुं | ग्रन्थों का अनुसार कुबेरे की राजधानी अलकापुरी "जेते आजकल बद्रीनाथ ब्वाना" छो | पुराणों गा अनुसार राजा कुबेर का राज्य मा ऋषि मुनि तप और साधना कना छा | पुराना जमाना मा हूण, शक, नाग, खस जन्म्या जाति भी उत्तराखण्ड मा रन्ना छा | पुराणा ग्रन्थों मा केदार खण्ड व मानस खण्ड के नो से ये जग्गो बात ग्रन्थों मा लयेखूं चि |मानस खण्डो कु कुर्मांचल और कुमाऊँ नो चन्द राजाओं का शासन काल मा प्रचलित वे छो | कुर्मांचल पर चन्द राजाओं कु शासन कत्यूरियों गा बाद शुरू वेके सन १७९० तक रे छो | सन १७९० मा नेपाले की गोरखा सेना न कुमाऊँ पर हमला करिके कुमांऊँ ते अपरा हिस्सा बणायी | गोरखाउन कुमाऊँ पर सन् १७९० से १८१५ तक शासन करी | सन् १८१५ मा अंग्रेंजो बिडीन हान्ना बाद गोरखा सेना नेपाल वापस चलीग्ये | वेगि बाद अंग्रेजोंन कुमाऊँ ते ईस्ट इण्डिया कम्पनी ते सोंपिली |
पुराणा जमाना मा केदार खण्ड भीज्या भागों मा बंटूयु छो | सबूँगा अलग अलग राजा छा जुंगू अपरु-अपरु इलाका छो | इतिहासकारों का अनुसार पँवार वंश कु राजान यूँ भागों ते अपरा कब्ज़ा मा करिके योक गढ़वाल राज्यों की स्थापना करि और श्रीनगर ते अपणी राजधानी बणायी | केदार खण्डो कु गढ़वाल नो वबारे पड़ी | सन १७९० मा नेपाले की गोरखा सेना ने कुमाऊँ पर कब्ज़ा कन्ना बाद सन् १८०३ मा गढ़वाल राज्य पर हमला करि के वेपु भी कब्ज़ा करयेली
कोई टिप्पणी नहीं :
Thanks for your valuable comment on this post.